د کندهار د کرني اوبو لګولو او مالدارۍ ریاست مسوولین وایي، د خوراک او کرني نړیوال سازمان (FAO) په مالي ملاتړ، په ژړۍ ولسوالي کي ۷۳۳ اړمنو بزګرانو ته د غنمو اصلاح سوی تخم او کیمیاوې سره وویشل سوه.
د کندهار د کرني اوبو لګولو او مالدارۍ ریاست ویاند وايي، دغه مرسته چي نن وېشل سوې پکښي هر بزګر ته ۵۰ کیلو د غنمو اصلاح شوی تخم، ۵۰ کیلو سپینه سره او ۵۰ کیلو توره سره ورکول سوې.
په ورته وخت کي د ژړۍ ولسوالۍ کروندګر هم د کرني ریاست او یاد سازمان څخه خوښ دي چي ورسره یې دا اړیني مرستي کړي.
د دوی په وینا، له دې مرستو سره به بزګران د خپلو اقتصادي اړتیاوو د پوره کولو لپاره له کمي مځکي څخه ښه ګټه لاسته راوړي.
