مسوولین وایي، پرون ۱۶۹ افغان کډوالي کورنۍ له ایران او پاکستان څخه په «جبري او په خپله خوښه» توګه ایستل سوي دي.
د مسوولینو په خبره، چي دغه کډوال د ننګرهار، کندهار، نیمروز او هرات ولایتونو له لارو هيواد ته داخل سوي دي.
چارواکي وایي، په همدې حال کي ۵۴ کورنۍ د نیمروز ولایت د پل ابرېشم او ۳۷ کورنۍ د هرات د اسلام کلا له لاري هيواد ته داخلي سوي دي.
دا په داسي حال کي ده، چي پاکستاني رسنیو مخکي د دغه هيواد د چارواکو په حواله راپور ورکړى وو، چې پاکستان د روان کال د جولای له ۲۱مي د اګست تر ١٧مي پوري ۳۲زره۲۰۰ افغان کډوال ایستلي دي.