پولیسو په یوه بیان کي ویلي دي چي د چهار شنبې په ورځ د پولیسو د ګزمې موټر د کوټي پر شرقي بایپاس سړک تېرېدی چي چاودنه وسوه او پر مهال یې دوه سرتېري او ۱۰ ولسي وګړي ژوبل سول.
په کوټه کي د پولیسو د بمونو شنډولو څانګي ویلي دي چي له لومړنیو پلټنو ښکاري چي دا د رېموټ کنټرول بم چاودنه وه.
د دغه چاودني مسوولیت تر اوسه چا پر غاړه نه دی اخیستی خو په بلوچستان کي ډيری بریدونه بلوڅ بېتلون غوښتونکي کوي.
بل خوا د عوامي نیشنل ګوند مشر اېمل ولي خان وايي، پاکستان د افغانستان د ې ثباته کولو لپاره په بلوچستان او خیبرپښتونخوا کي وسله وال روزي.
د هغه په وینا، پاکستان له امريکا او چين سره دوه مخې لوبه کوي او ترهګر يې ساتلي دي.