د ایران ځینو امنیتي چارواکو له طاـ.لبانو سره د سرحدي کرښو د ټاکلو پر سر د اختلاف خبر ورکړی دی.
افغانستان ته د ایران د بهرنیو چارو وزیر عباس عراقچي له سفر او د طـ.البانو او ایران ترمنځ ډیپلوماتیکي اړیکو تر یوڅه پراختیا وروسته، د ایران یوه جګپوړي امنیتي چارواکي ویلي، له طاـ.لبانو سره د سرحدي کرښو د ټاکلو په برخه کي اختلافات لري.
د ایران د کورنیو چارو وزارت امنیتي مرستیال علياکبر پورجمشیدیان ویلي، چي نوموړي د دغو اختلافاتو د حل او د دواړو خواوو ترمنځ د لا ډېري همکارۍ غوښتنه کړې ده.
دغه ایراني چارواکي د افغانستان او ایران ترمنځ د سرحدي دېوال جوړولو ته په اشاره ویلي، چي دا دېوال سرحد نه دی، بلکي د سرحدي امنیت لپاره جوړ سوی.
نوموړي زیاته کړې چي طاـ.لبان باید دې موضوع ته پام وکړي، ځکه کېدای سي ځیني ځایونه داسي وي چي اصلي سرحد د دیوال څخه وړاندي وي او د سیمي جغرافیايي شرایطو ته په کتو، مهمه وه چي دیوال د سرحد له صفري نقطې څخه یو څه لیري جوړ سي.