د امریکا ولسمشر دونالد ترمپ ویلي، سره له دې چي د پاکستان او ط..البانو ترمنځ سیاسي فضا یو ځل بیا ترینګلي سوې هغه وايي چي دا وضعیت به ژر حل سي او نوموړی دا مسله د بیړني اقدام وړ نه بولي. ترمپ دغه څرګندونې د مالیزیا په پلازمېنه کي د جنوب ختیځي آسیا د هیوادونو د اتحادیي د مشرانو په غونډه کي کړي دي.
ترمپ ټینګار کړی چي د خپل حکومت په دوره کي ئې د جګړو د ختمولو له پاره عملي ګامونه پورته کړي او په تېرو اتو میاشتو کي ئې اته خونړۍ شخړي درولي دي.
نوموړي د پاکستان او ط..البانو ترمنځ د اوسني کړکېچ په تړاو ویلي، “زه باور لرم چي دا ستونزه به ژر حل سي او دا مهال اړتیا نه وینم چي سمدستي اقدام وسي.”
د ترمپ دا څرګندوني وروسته له هغه کېږي چي د پاکستان د دفاع وزیر خواجه آصف خبرداری ورکړی، که له ط..البانو سره رواني خبري نتیجه ورنه کړي، اسلاماباد به له ط..البانو سره ښکاره جګړه پیل کړي
