رويټرز: د ط..البانو او پاکستان مذاکرات بې پايلي پای ته رسېدلي

رويټرز د سې شنبې په ورځ په نشر سوي راپور کي ويلي دي، چي د پاکستان او افغانستان د ط..البانو مذاکرات د ترکيې په استانبول ښار کي تر درو ورځو وروسته د مثبتي پايلي پرته پای ته رسيدلي دي.
رويټرز ليکلي ياد مذاکرات په پاکستان کي د ترهګرو ډلو د څارني او مبارزې له پاره د یو میکانیزم د ترلاسه کولو په موخه د ط..البانو او پاکستان ترمنځ بې پايلي پای ته رسېدلي دي.
د قطر او ترکیې په منځګړیتوب د ط..البانو او پاکستان ترمنځ دایمي اوربند ته د رسېدو له پاره د خبرو اترو دوهم پړاو په استانبول کي تر سره سو خو داوړه لورو موافقه ونه کړل او مذاکرات ناکامه سوه.
په استانبول کي د ط..البانو او پاکستان ترمنځ مذاکرات درې ورځي دوام وکړ، خو دواړه لوري يو بل تورنوي چي نه غواړي د سولي او ثبات په برخه کي موافقه وکړي.
پاکستاني چارواکو تر دې وړاندي رسنيو ته ويلي وو، چي د استانبول په غونډه کي د ط..البانو پلاوي صلاحيت نه لري او ټول امرونه د کندهار او کابل څخه اخلي.
بلخوا بيا ط..البانو ويلي، چي پاکستان له دې ډلي غوښتي چي تحریک ط..البان پاکستان د یوې ترهګري ډلي په توګه وپیژني او پر وړاندئې اقدام وکړي.
تر دې وړاندې د پاکستان دفاع وزیر خواجه محمد آصف ويلي، چي که د استانبول مذاکرات بې پایلي پای ته ورسیږي نو اسلام اباد به له ط..البانو سره جګړې ته مخه کړي.