د ط..البانو تر واک لاندي د کډوالو او راستنېدونکو چارو د وزارت څخه د چهارشنبې په ورځ په نشر سوې خبرپاڼه کي ويل سوي دي، چي د سې شنبې په ورځ د پاکستان او ايران څخه ۱۹۸۴ د افغان کډوالو کورنۍ افغانستان ته راغلي دي.
په خبرپاڼه کي ويل سوي، چي ۵۵۸ د افغان کډوالو کورنۍ د کندهار د سپین بولدک دلاري، ۱۱۸۵ کورنۍ د تورخم د لاري او ۱۳۶ د افغان کډوالو کورنۍ د هلمند د بهرامچې د لاري د پاکستان څخه افغانستان ته راغلي دي.
په خبرپاڼه کي ويل سوي دي، چي دغه افغان کډوال په زور او جبر د پاکستان د خاوري څخه شړل سوي او فغانستان ته راغلي دي.
په خبرپاڼه کي دغه راز زياتوي چي په همدې ورځ ۱۰۵ د افغان کډوالو کورنۍ د ايران څخه هم افغانستان ته راغلي دي، چي تر ثبت او راجستر وروسته خپلو اصلي سيمو ته لېږدول سوي دي.
