نن د جون ۵ مه د چاپېریال ساتني نړۍواله ورځ ده، چي په ټوله نړۍ کښي د چاپېریال د ساتني او پایښت په موخه لمانځل کېږي. خو په افغانستان کښي دا ورځ په داسي حال کښي راځي، چي دغه هیواد د اقلیمي بدلونونو له امله د نړۍ یو له ترټولو زیانمنو هیوادونو څخه شمېرل کېږي. د وروستیو کلونو په اوږدو کښي، افغانستان د اقلیمي بدلونونو له امله د سختي وچکالۍ، ناڅاپي سیلابونو، د تودوخي د کچي زیاتوالي او نورو چاپېریالي ننګونو سره مخ سوی دئ، چي د دغه هیواد پر کرني، اقتصاد، د خوړو خوندیتوب او د خلګو پر ژوند ژور منفي اغېز کړی دئ.
د چاپېریال ساتنې فعالان او کارپوهان وايي، چي افغانستان د خپل جغرافیوي موقعیت او اقتصادي کمزورتیاو له امله د اقلیمي بدلونونو پر وړاندي ډېر زیانمنونکی دئ. د هغوی په خبره، وچکالي د کرنیزو ځمکو حاصلات کم کړي او د اوبو کمښت ئې د کلیو او ښارونو اوسېدونکو ته جدي ستونزي رامنځ ته کړې دي. په ورته وخت کښي، د موسمي بارانونو د بې نظمۍ او ناڅاپي سیلابونو له امله په تېرو کلونو کښي زرګونه کسان زیانمن سوي او په لسګونو زره کورنۍ بېځایه سوي دي.
کارپوهان ټینګار کوي، چي د دې ستونزو د حل له پاره اړینه ده، چي نړۍواله ټولنه له افغانستان سره مالي او تخنیکي مرستي وکړي. دوی همداراز د شنو پروژو لکه د ونو کښېنول، د اوبو مدیریت سیسټمونو پیاوړتیا او د نوي کیدونکي انرژۍ کارولو غوښتنه کوي.
د چاپېریال ساتني نړۍواله ورځ د افغانستان له پاره یو فرصت دئ، چي د خپل چاپېریال د ساتني او د اقلیمي بدلونونو پر وړاندي د مبارزې له پاره نوي هڅي پیل کړي. خو د دې موخو د ترلاسه کولو له پاره د نړۍوالو همکاري، پیاوړي سیاسي ارادې او د خلکو فعالي ونډي ته اړتیا ده، ترڅو راتلونکي نسلونو ته یو خوندي او پایښت لرونکی چاپېریال په میراث پرېږدي.
ليکنه: عمر خپلواک
Manage Cookie Consent
Functional Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.